NemKontumi imminut sullissivimmi atuisut naammagisimaarinninnerannik misissuinermut atatillugu unammisitsinermut peqataaneq: Digitaliseringsstyrelsip paasissutissaatinnik passussinera

Paasissutissaatitit pillugit passussinitsinnut tunngatillugu apeqqutissaqaruit, paasissutissanut illersuinermut siunnersortit attavigisinnaajuaannarpat.

Paasissutissanut illersuinermut siunnersorti ima attavigisinnaavat:

• Allakkat digitaliusut atorlugit: Digital Post aqqutigalugu Digitaliseringsstyrelsenimut allagit, allaffissami (emnefelt) allassavat ”Att. Databeskyttelsesrådgiver”.
• E-mail atorlugu: dpo@digst.dk. Paasissutissanut illersuinissamut siunnersortimut e-mail aqqutigalugu attaveqarniartillutit, kaammattussavatsigit inuttut normut, paasissutissalluunniit allat mianernartut/nipangiussassalluunniit allassanngikkitit.
• Allakkatigut: Digitaliseringsstyrelsen, att.: Databeskyttelsesrådgiveren Landgreven 4, 1301 København K.

Inuit paasissutissaataat tulliuttut siunertaralugit passuttarpagut:

• Atuisunik misissuinermi akissuteqartut akornanni unammisitsinermut.

Inuit paasissutissaataannik passussinissamut inatsisitigut tunngaviit ukuupput:

• Akuersissuteqarneq pillugu allassimasut uani Databeskyttelsesforordningens art. 6, stk. 1, litra a)

Unammisitsinermi peqataaniaraanni, peqataanissamut nalunaarnerup nalaani 15-ileereersimasariaqarpoq. Peqataasut 15-it inorlugit ukiullit unammeqataaqqusaanngillat.

Paasissutissat ilinnut tunngassutillit passutassagut tassaapput:

Inuttut paasissutissat nalinginnaasut:

• E-mailadresse

Digitaliseringsstyrelsip paasissutissanik passussisartuinut paasissutissat tunniutissavagut, taakkualu qarasaasiaqarnermi atortutsinnik ingerlatsisuullutillu allaffissornikkut suliaqartuupput.

Inuttut paasissutissaatitit EU-p EØS-illuunniit avataaniittunut nassiunneqarnavianngillat.

Unammisitsinissap naammassinissaata tungaanut paasissutissaatitit toqqortaatigissavagut.

Qaqugukkulluunniit akuersissutit utertissinnaavat. Taamaaliussaguit imm. 1-imi attaveqarfissatut nalunaarsorsimasumut attavigissavatsigut.

Paasissutissanut illersuinissamut peqqussut malillugu paasissutissaativit passunneqarnissannut tunngatillugu assigiinngitsunik pisinnaatitaaffeqarputit.

Pisinnaatitaaffitit atorniarukkit attavigisinnaavatsigut.

Paasissutissaatinnik takunnissinnaatitaaneq

Illit pillutit paasissutissat passutagut, paasissutissallu allat pigisagut takusinnaatitaavatit.

Aaqqiissuteqarsinnaatitaaneq

Paasissutissat ilinnut tunngasut eqqunngitsut aaqqiissuteqarfigisinnaatitaavatit 

Peersisinnaatitaaneq

Pisuni immikkuullarissuni paasissutissaatigut ilinnut tunngasut, nalinginnaasumik peersinissamut malinnarisassat atuutilinnginnerani, peerneqarnissaannut pisinnaatitaaffeqarputit.

Passussinissamut killiliisinnaatitaaneq

Illit paasissutissaativit passunneqarnissaannut ilaatigut killilersuisinnaanissamut pisinnaatitaaffeqarputit. Passussinermut killiliisinnaatitaaguit, taava tamatuma kingorna paasissutissaatitit taamaallaat akuersiteqqaarlutit passussinnaavagut – toqqortaatigineranit. Imaluunniit inatsisitigut aalajangiisoqalerpat atuutilersitsisoqarsinnaavoq illersuisoqarsinnaalluniluunniit, imaluunniit inuk inuiaqatigiinniluunniit soqutigisat pingaarutillit illersorneqassatillugit aamma taamaaliortoqarsinnaavoq.

Oqaaseqarsinnaatitaaneq

Pisut ilaanni inuttut paasissutissaativit passunnissaannut inatsisitigulluunniit suliarineqarnissaannut oqaaseqarsinnaatitaavutit.

Paasissutissanik ingerlatitseqqissinnaatitaaneq

Pisut ilaanni inuttut paasissutissaatitit aaqqissuuteriarlugit, atoriaannanngorlugit maskinamiillu atuarneqarsinnaasutut pissarsiarisinnaavatit, imaluunniit paasissutissanut akisussaasumit ataatsimiit allamut ajornaquteqanngitsumik tunniussisoqarsinnaavoq.

Pisinnaatitaaffitit pillugit Datatilsynetip ilitsersuutaanni nalunaarsukkat pisinnaatitaaffii atuarsinnaavat, taannalu uani nassaarisinnaavat www.datatilsynet.dk.

Paasissutissaativit passunneqarneri naammaginartinngikkukkit Datatilsynetimut maalaaruteqarsinnaatitaavutit. Datatilsynetsimut attaveqarfissat uani nassaarisinnaavatit www.datatilsynet.dk.